Kahengkeran Media Basa Sunda

Aya nu nyebutkeun yen media teh pilar ka opat dina wangun nagara demokrasi. Ieu teh taya lian nembongkeun yen media ngarupakeun kakuatan anu teu bisa dianggap enteng atawa dimomorekeun. Loba skandal pejabat nu kaungkab alatan diekspos dina media, upamana. Nu matak loba pejabat nu sok rada gegebegan mun panggih jeung wartawan. Sieun, mun kabeneran boga masalah, pek diuar-uar. Pan matak riweuh. Media citak pabalatak di Indonesia, naha nu ngagunakeun basa Indonesia, basa daerah, atawa oge basa Inggris....

Aos seratan sagemblengna...

MULAN

Mulan Jameela? Ih, sanes :) Mulan di dieu mah maksudna ulin di luar imah mun pareng caang bulan. Ti peuting tangtuna oge, da ari beurang mah euweuh bulan. Momentum nu ngan sabulan sakali teh (caang bulan), kacida pisan ditungguanana ku barudak leutik, sabab poe-poe biasa mah keueung, ma'lum poek meredong, can asup listrik. Biasana kaulinanana teh rupa-rupa. Aya gobag sodor, galah asin, gatrik, ucing-ucingan (di lembur kuring mah...

Aos seratan sagemblengna...

Alesan Kuring Nulis Dina Blog

Naon sababna kuring nulis dina blog? Pinter nulis? Paralun, teu rumasa, da puguh nulis ge sakacamprung. Sakainget. Rajeun nulis soteh pedah we sok heran nempo batur bisa nulis. Mun batur bisa, piraku kuring henteu? Pan sarua dahar sangu, lin? Sacara prinsip, nulis mah sarerea oge pasti bisa (kecuali nu buta hurup). Anu ngabedakeunana teh paling-paling oge hasil tulisanana. Aya nu alus, matak resep nu maca, aya nu lempeng, tiis:...

Aos seratan sagemblengna...

FENOMENA THE BEATLES

Keur budak mah buuk teh galing, kitu lah ngombak. Mun tas dimandian, biasana sok terus disisiran ku pun biang. "Kieu geura meresanana, urang dibetel," saurna. Maksudna teh diponi. Naha nyebutna dibetel? Teu ngarti harita mah. Pokona, diponi teh di-betel. Nincak SD, kitu lah kelas 5-an, mun teu salah, harita teh jaman-jamanna Ebiet G Ade mimiti sohor, lanceuk kuring mindeng pisan nyetel kaset The Beatles. Teu beurang teu peuting...

Aos seratan sagemblengna...

TELEPON "KEUPEUL"

Jaman keur budak, sok ulin teteleponan. Lain meuli, da duitna ge teu boga, tapi nyieun ku sorangan. Make dus urut wadah kok (shuttle cock), dipotong dua, terus disambungkeun make benang. Ulinna kudu duaan, benang nu panjangna kira-kira lima meteran dipanteng, masing masing nyekel ‘gagang telepon’. Ngomong jeung ngadengekeun kudu piligenti, sakali sewang. Kitu teorina, sabab ari praktekna mah najan teu make ‘telepon’ oge da kadenge...

Aos seratan sagemblengna...

SESENYUMAN

Basa teh ciciren atawa identitas bangsa. Klise, tapi da memang kitu kanyataanana. Dengekeun obrolan jelema dina angkot, upamana. Ku ngadenge ngobrolna oge biasana bakal kateguh asal muasalna hiji jelema. Mun nu ngobrolna patorong-torong jiga nu pasea, biasana urang Batak. Nu bebeledugan karandel, eta mah pasti Jawa. Nu make sora sopran (nada dasarna luhur) biasana Ambon, jeung sajabana. Mun nu was wis wes, eta mah jigana bule,...

Aos seratan sagemblengna...

E-BOOK

Duka ku naon, kana maca teh mana resep-resep teuing. Naon wae dibaca. Buku, komik, koran, majalah, tabloid, bungkus kacang ...ah pokona mah sagala we. Nu ngaran-ngaran aya aksaraan mah pasti dibaca. Matak, basa loba nu rumahuh majar hese pisan ngaronjatkeun minat baca, naha barudak sakola atawa oge masyarakat umum, rada hemeng. Cek rarasaan, da ti keur leutik oge kuring mah ujug-ujug resep kana maca teh, sok padahal kolot teh sabenerna lain kutu buku atawa sastrawan nu boga gudang buku atawa perpustakaan...

Aos seratan sagemblengna...

PLAYBOY INDONESIA

Asa mindeng nya ngadenge istilah ieu teh. Playboy. Enya da ti baheula ge geus jadi kacapangan atuh. Biasana dipake pikeun nuduhkeun lalaki anu resep gunta ganti kabogoh. Lalaki leumpeuh yuni, teu kaopan ningali istri rancunit, sok tuluy hayang ngeukeupan. Ngan anehna, euweuh istilah playgirl, najan dina kanyataanana, aya oge awewe anu lalampahanana teu jauh ti playboy. Ayeuna-ayeuna ieu, kecap playboy deui-deui jadi sabiwir...

Aos seratan sagemblengna...

KOTA KAGOK

Sok waas lamun nyoreang alam ka tukang. Asa tingtrim tur teu loba pikiraneun jeung pikarudeteun. Taun tujuhpuluhan awal, lembur kuring, Panjalu, masih kampung nu bener-bener kampung. Lir ibarat parawan jekekan. Mun ti peuting, estu rehe comrek ti wanci magrib keneh. Masih napel dina ingetan, mun ngapalkeun peuting-peuting teh biasana make lampu teplok. Harita mah can mantra-mantra aya listrik, komo deui telepon. Hiburan hiji-hijina nyetel radio transistor tilu batu, ngadengekeun RRI, oge siaran...

Aos seratan sagemblengna...

B L O G

Rek ka mana, blog?" tangtu bae beda jeung "Naon ari blog teh?" Kade ulah reuwas. Kalimat nu kadua mah lain nyarekan atawa nyarita kasar, tapi hiji istilah nu keur jadi 'trend' di internet. Dina kalimat nu kahiji mah kecap 'blog' teh pondokna tina kecap (punten) goblog, ari nu kadua mah beda deui. Ari geus, naon atuh blog teh? Tangtu pertanyaan model kieu teh mindeng kadenge mun pareng urang teu pati nitenan kana kamekaran nu karandapan di dunya internet. Upama sawatara taun ka tukang rame ngeunaan...

Aos seratan sagemblengna...